s h a r a f
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 نكت طويلة بس اسمعوها حلوة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فوزي محمد
عضو مميز
عضو مميز
avatar

المساهمات : 665
تاريخ التسجيل : 13/05/2008

مُساهمةموضوع: نكت طويلة بس اسمعوها حلوة   2008-06-04, 9:20 am

واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". الراجل مكمل ع الطريق وقفته لجنة، الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه"


مرة واحد جاله عيل بس للأسف كان شكله غلط خالص، فسماه صفوت، كبر صفوت قام ابوه مقدم له ف المدرسة بس ما اتقبلش لتخلفه العقلي الواضح و شكله الغير طبيعي، الراجل ما لقاش فايدة قام طالع على المدارس الخاصة وعدى عليهم مدرسة مدرسة كل ما يشوفوا صفوت يقولوا له ربنا يسهل لك، الراجل تعب قوي لحد ما لقى مدرسة داخلية للحالات الخاصة جدا قام رامي لهم صفوت و مصاريفه و راح شم بقى نفسه وعاش حياته.
المهم... تعدي سنة الراجل افتكر ابنه وحب يزوره راح المدرسة و سأل عليه ف الاستقبال قالوا له الدور الأول طلع..لقى يافطة مكتوب عليها "قسم الناس الغريبة" دخل فصل فصل و بص ف كل العيال ما لقاش صفوت، نزل لبتوع الاستقبال قالوا له يبقى ف الدور التاني طلع التاني لقى يافطة "قسم الناس العجيبة" دور فصل فصل و درج درج مفيييييش صفوت، نزل تاني قالوا له يبقى ف التالت أكيد، طلع لقى يافطة عليها "قسم الناس الفضائية" قعد يبص و يفلي ف العيال الفضائيين ما لقاش ابنه برضة، نزل لهم قالوا له بص، بعد كدة مفيش غير السطوح طلع السطوح لقى فصل واحد عليه يافطة مكتوب عليها "صفوت".



مرة الريس عايز يزود شعبيته فقال لرئيس الوزرا يعلي الأسعار فالناس تتضايق يقوم هو ينزلها، فعلا رئيس الوزرا زود الأسعار، بس الناس ما اتكلمتش، عادي خالص، الريس استغرب قوي، وقاله: طب خلي الضرايب على المرتبات خمسين للمية. زود رئيس الوزرا الضرايب خمسين ف المية، الناس هزت دماغها وسكتت. الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا، فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل م الناحية التانية، الناس قالت اللهم طولك يا روح و أمرنا لله و دفعوا.
رئيس الوزرا كبرت ف دماغه، وأمر إن اللي يعدي بعد ما يدفع عشرة جنيه، و هو خارج م الكوبري ياخد على قفاه، و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي، شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس اللي بتدينا على قفانا!!!!!!!!"



الراجل الأخضر صحي في الصبح لاخضر فقام م السرير الاخضر و لبس الشبشب الاخضر خد بعضه وإيه..دخل الحمام الاخضر فتح الحنفية الخضرا، و اتشطف بالمية الخضرا و لبس لبسه الاخضر و نزل م العمارة الخضرا ركب العربية الخضرا، و هو سايق ع الطريق لاخضر كسر عليه واحد بعربية حمرا بوظ له النكتة.



سواق ماشى ع الطريق، واحد لابس أحمر في أحمر شاور له، فوقف السواق و قال له "إنت مين وعايز ايه؟" قال له "أنا الفرفور الأحمر وعايزك توصلني" فقال له "لا ما باوصلش فرافير"، و مشى و سابه.
شوية لقى واحد لابس أصفر في أصفر وبيشاور له فوقف و قال له "إنت مين و عايز ايه؟" قال له "أنا الفرفور الأصفر و عايزك توصلني فقال له "لا أنام باركبش فرافير"، و مشى و سابه.
شوية وقابله واحد لابس أخضر في أخضر عمل معاه نفس الحكاية فالسواق قال له "ما باوصلش فرافير خضر" سابه و مشي. شوية كمان كده و لقى واحد لابس أبيض في أبيض بيشاور له فالسواق وقف و قال له "يا ترى انت بقى الفرفور الأبيض" فقال له "الفرفور الإيه؟ رخصك يا روح أمك!"



رئيس الوزرا فى دولة "عربتمان" راح للريس بعد ما شالوه من الوزارة، وقال له "عايز أعرف انت شلتنى ليه ياريس؟"، قال له "يا حبيبي التغيير سُنة الحياة"، قال له "طيب شلت وزير المواصلات ليه؟، قال له "يا حبيبي التغيير سُنة الحياة"، قال له "طيب ممكن أسالك سؤال؟ ليه انت الوحيد اللي ما بتتغيرش؟" قال له "ياحبيبي تغييركم انتم سُنة لكن أنا وجودي فرض".



عجوز وجدت الفانوس السحري فركته وظهر الجني فطلبت منه أن يعيدها شابة .. فأعادها إلى سن الأربعين .. ولم يعجبها فقالت: أريد أصغر من هذا .. فأعادها إلى سن العشرين .. ولم يعجبها وقالت: أصغر .. فأعادها إلى سن سنتين .. فأصيبت بالحصبة وماتت.



محموعة من الأهالي في قرية صغيرة قدموا شكوى للأوقاف عشان الإمام بيقول خطب طويلة في صلاة الجمعة، فبعتت لهم الأوقاف شيخ تاني، وحذرته من الاطالة، فوصل الامام الجديد ودخل المسجد وطلع على المنبر وحيّا المصلين وسأل : تعرفوا قصة سيدنا يوسف عليه السلام؟ فرد المصلون كلهم:آه فراح الامام قال للمؤذن: أقم الصلاة، ولما خلصوا الصلاة، سأل الإمام الناس : تعرفوا قصة سيدنا موسى عليه السلام؟ فرد المصلون: آه، فقال لهم : ماتجوش الجمعة الجايـــة.



انكسرت رجل الكرسي عند واحد بخيل؛ فبعت ابنه يجيب شاكوش من جاره فى الدور الأول، فملقاش عنده.فقال له: روح لعمك احمد فى الدور الرابع، فملقاش عنده، فبعته أبوه لجاره وليد فى الدور الخامس، فملقاش عنده.
فقال له خلاص يا بني هات الشاكوش من فوق الدولاب



مرة واحد شاف أخته تبكي، فقال لها: لماذا تبكي؟ قالت له: زوجي كذاب! فقال لها: وكيف ذلك ؟ فقالت له: إنه قال لها انه كان قضي ليلة أمس عند رفيقه سامح، فقال لها: وأين المشكلة؟ قالت: كذاب أنا كنت نائمة عند سامح أمس!



في واحد جندي حطوه في الجبهة على الخط الأول مع العدو وقالو له: أول ما تحس بأي تحرك للعدو فورا تقولنا عندك هنا جهاز تليفون على اتصال مباشر مع القيادة.
وفي يوم لاحظ الجندي تحرك العدو فرفع التليفون، وقال: ألو قيادة العدو على بعد 5 كم. فقالو له علم.
بعد نص ساعة تانية رفع سماعة التليفون وقال: ألو قيادة العدو على بعد كيلو واحد فقالو له علم, ومجاش حد.
وبعد نص ساعة كمان، اتصل بيهم وقال: ألو قيادة؟ قالوله: نعم؛ فقال لهم: اتفضلو كلموا العدو.



فيه وفد زار صدام ولما خلصوا الزيارة طلع الوفد من عنده، بعدهاحاول صدام يدخن فملقاش الولاعة فشك في الموضوع، واتصل ع البوابة، وقال حققوا مع الكلاب اللي خرجوا من عندي شكلهم أخدوا ولاعتي الدهب، بعدها لقى الولاعة تحت رجليه فاتصل بالبوابة مرة ثانية وقالهم لقيت الولاعة، خليهم يمشوا فقالوا له: منقدرش يا سيادة الريس. فقال لهم ليه؟ فقالوا له حققنا معهم نصهم ماتوا أثناء التحقيق والنص الثاني اعترفوا.



كان أحد العمال يجد صعوبة كبيرة في الاستيقاظ للالتحاق بالعمل فلما هدد بالفصل من قبل المدير، عرض نفسه لطبيب فشكى له أمره فوصف له الدواء فلما شرب قرصا منه نام نوما عميقا، واستيقظ قبل أن يرن المنبه، وذهب إلى عمله مبكرا، وقال لمديره: إني أشعر بنشاط وقد استيقظت قبل ان يرن المنبه، فقال المدير هذا شئ جيد لكن أين كنت طيلة الأيام الثلاث الماضية؟



جرت مسابقه لصيد اكبر تمساح اشترك فيها امريكي وهولندي وصعيدي ذهب الامريكي وصاد تمساح كبير، وبعدها جاء الهولندي بتمساح أكبر، أما الصعيدي ذهب ولم يعد فقام المسؤولون عن المسابقة بالبحث عنه فوجدوه على النهر يمسك عصا ويضرب بها تمساح صغير ويغني له اغنيه بابا فين.



مرة واحد شاف لوحة مكتوب عليها: مرزعة أبقار فسأل صاحبها: ازاي بتزرعوا البقر؟ فرد عليه بسخرية: نرش سكر على التراب وثاني يوم يطلع بقر، فأخذ الراجل كيس سكر ورشه على الأرض وتاني يوم راح يشوف البقر فلقى السكر عليه نمل فقال: والله البقر وهو صغير شكله حلو!



واحد متغرب رجع لأهله، وكان اتجوز في الغربة، وربنا اداه ولدين واحد أبيض أشقر، والتاني أسود، فسألته أمه ليه كل واحد من ولادك له لون مختلف، فقال لها: لما حملت مراتي واحنا في المانيا قعدت في البلكونة، فبقت تشوف ألماني رايح وألماني جاي؛ فجه الولد زي الألمان أشقر، ولما رحت جنوب أفريقيا، كانت مراتي حامل في الولد التاني، وقعدت برضه في البلكونة فبقت تشوف واحد أسود رايح وواحد أسود جاي؛ فجه الولد أسود، فقالت له أمه يوم ما حملت فيك قعدت في البلكونة قدام الزريبة، وحمار رايح وحمار جاي فرزقني ربنا بيك.



مرة واحد متجوز عنده دولاب قفله 20 سنة، والمفتاح معاه هو بس... مراته هتتجنن وتعرف إيه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 ألف جنيه.. وبيضتين!!! لما رجع سألته ايه حكاية البيضتين دول؟ قالها بصراحة... كنت كل ما أخونك مرة أحط بيضاية في الدولاب... الست قالت عشرين سنه جواز ومرتين بس... مش مهم... فسألته طب والعشرين ألف جنيه؟ قالها كنت كل ما أجمع كرتونة بيض اروح ابيعها.



مقاول جاب مجموعة من الصعايدة لبناء كنيسة وطبعاً عارفين الصعايدة بيحبوا الغناء أثناء العمل، فقعدوا يغنوا " هيلا هيلا صلوا عاالنبي " المقاول سمعهم قالهم: هاتخربوا بيتي مش معقول تبنوا كنيسة وتغنوا " صلوا عا النبي " غنوا اي حاجة تانية، في اليوم التالي سمعهم بيغنوا " هيلا هيلا بص عاالحيطة" نظر للحائط وجد مكتوبا عليه " صلوا عاالنبي "!



ثلاثة اشخاص قرروا أن ينشئوا مزرعة كتاكيت فحفروا حفرة وألقوا فيها الكتاكيت وأغلقوا الحفرة، وأنتظروا يوم ولم تطلع شجرة الكتاكيت، وأعادوا المحاولة عدة مرات ولم تنجح ، فقرروا أن يستشيروا أخاهم الذي يدرس في أمريكا ويحضر الدراسات العليا، فقال لهم: أرسلوا لي بعض العينات من التربة!



فيه واحد أمه ارملة عندها مرض نفسي، وداها لدكتور نفساني قال الدكتور: لازم تجوزها واحد عمره خمسين سنة يونسها في حياتها.
وبعدين خرجوا من عند الدكتور قالت امه: ياابني دور لي علي واحد عمره خمسين سنة، وإذا ما لقيتش جيب اتنين من أبو خمسة وعشرين.



كان أحد الاشخاص يملك ببغاء سليط اللسان يسب دائما الحكومة، فقال أحد الأشخاص لصاحب الببغاء، إن هذا الببغاء سيأتي لك بكارثة، فقال الرجل: وما الحل؟ قال الثاني: عندي مزرعة بها دجاج ضعه معهم حتي ينسي الكلام، فقام الرجل بوضع الببغاء في المزرعة، فراح الدجاج يحوم حوله ليري هذا الكائن الجديد، فصرخ فيهم الببغاء: ألم تروا من قبل لاجئ سياسي.



رجع الأب من السفر ولما سأل ابنه عن الأحوال قال الابن:احنا كويسين لكن، فقال له أبوه: فيه ايه؟ قال الولد: ايد الشاكوش انكسرت، قال الأب وايه يعني؟ قال الولد: اخويا الصغير رمى الشاكوش على الكلب فمات الكلب وانكسرت ايد الشاكوش، قال الاب: وليه اخوك رمى الشاكوش على الكلب؟ قال الابن لما هربت البهايم فلحقهم الكلب فرمى اخويا الشاكوش على الكلب فمات الكلب وانكسرت ايد الشاكوش.
قال الاب وليه هربت البهايم قال الابن ما هو لما اتحرقت المزرعة هربت البهايم فلحقهم الكلب فرمى أخويا الشاكوش على الكلب فمات الكلب وانكسرت ايد الشاكوش، قال الاب انت بتقول المزرعة اتحرقت؟ قال الابن ماهو لمااتحرق البيت اتحرقت المزرعة فهربت البهايم فلحقهم الكلب فرمى اخويا الشاكوش على الكلب فمات الكلب وانكسرت ايد الشاكوش قال الاب وايه اللى حرق البيت، قال الابن كان اخويا الصغير بيدخن فوقعت السيجارة على الأرض فاتحرق البيت فاتحرقت المزرعة فهربت البهايم فلحقهم الكلب فرمى اخويا الشاكوش على الكلب فمات الكلب وانكسرت ايد الشاكوش، قال الاب: واخوك الصغير كمان بيدخن؟ قال الولد: من يوم ما ماتت ماما.



واحد بعربية شبح واقف فى إشارة مرور جنب واحد بعربية سيات، صاحب العربية السيات بص من فوق لتحت لصاحب العربية الشبح وقاله تبدل عربيتى بعربيتك وتدفع لى مليون جنيه؟
الراجل التانى قاله إنت مجنون ولا شكلك كده؟ فرد عليه صاحب السيات وقاله: أنا عربيتى فيها عفريت يحقق لك أى حاجة، المهم دخل صاحب الشبح معاه فى السيات وحرك الدركسيون فظهر العفريت، فقاله صاحب العربية: قوام هات شاى ليا وقهوة للبيه فراح جابها له، المهم بدلوا العربيات وأخد صاحب السيات مليون جنيه كمان، وأما دخل صاحب الشبح العربية السيات وحرك الدركسيون ظهر الجنى فقاله عايزك ترجع لى عربيتى تانى والمليون جنيه رد الجنى وقاله: معلش أنا بتاع شاى وقهوة بس.



مرة واحد بيحلم كل يوم بماتشات كتاكيت... راح للدكتور...
فقاله: هديلك حقنة دلوقتي ومش هاتحلم بيهم تاني خالص... قاله: طب خليها بكرة يادكتور علشان النهاردة ماتش النهائي.



واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللوا "فريد" جه؟ قاله : ماجاش يا شاويش "محمد"...
وبعد ساعة رجع له الشاويش محمد وسأله: اللوا "فريد" جه؟ قاله لسه ما جاش...
وبعد ساعة رجع له تانى وسأله اللوا "فريد" جه؟ قال له لسه ما جاش...
وبعد ساعة جه اللوا "فريد"... فقاله العسكرى : أنت فين من بدري الشاويش "محمد" حيخرب بيتك.



مره واحد بيقول لواحد صاحبه: اسكت مش انا حماتى ماتت امبارح...
قاله يا حول الله يا رب... ماتت ازاى الست دى؟
قاله وانا واقف معاها فى البلكونة وقعت من الدور الخامس...
قاله لا حول الله يا رب دى موته وحشه أوى...
قاله لأ.. ماهى ماوقعتش على الارض... قاله: أمال ماتت ازاى؟ قاله: وقعت على سلك الكهربا... قاله: يا ساتر يارب دى موته وحشه أوى.. ماتت من الكهرباء طبعا...
قاله: لأ يا عم.. ماهى الكهرباء كانت مقطوعة... قاله:امال ماتت ازاى بس؟
قاله: اصل السلك نطرها في حمام السباحة... قاله: لا اله الا الله ماتت غرقانة...
قاله: بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونة تانى... قاله: امال انت بتقول ماتت ازاى؟
قاله: ما انا لما ما لقيتش فايدة رحت خانقها بالإيشارب.



مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسهاوتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبناواشتري اكبر بطيخة حمرا وقعد عليها... نزل رئيس الديدان ولحس منهاشوية ولقاها حلوة... قال لهم... شباب طلعوها.



أبو العربى قابل مذيعة قالت له: انا سمعت كتير عن بطولاتك فى الحرب... قالها: طبعا أبو العربى يسد فى كل مكان فى 48 واليمن و56 و67 و73 والعراق... قالت له المذيعة طب هأسألك كام سؤال...
لو أنت فى الحرب وطلع عليك دبابتين ومعاك قنبلتين هتعمل ايه؟
قالها: هادخل عليهم وأفجرهم
طيب لو خمسة؟؟؟؟؟؟
قالها: هادخل عليهم بالسلاح الأبيض
طيب لو أربع دبابات... و عشر عساكر... وطيارتين؟
قالها جرى إيه يا وليه هو مفيش حد بيحارب غيرى واّلا إيه؟؟؟



واحد مسطول ماشى في الشارع لقي عمود نور مكتوب عليه شقة للإيجار راح قعد يخبط على العمود، لغاية لما جاله مسطول تانى قال له أنت بتعمل إيه هنا قال له: أصلي لقيت مكتوب شقة للإيجار، قمت قعدت اخبط بس محدش رد علىّ قام التانى قال له: غريبة مع إن الجماعة منورين النور فوق.



واحد شاف جنازة ماشي وراها كلب اسود، ووراه ماشي شوية رجالة كأنهم في طابور.
الراجل استغرب المنظر، فمشي لغاية ما بقى جنب الراجل الأول وسأله: جنازة مين ديه؟
قال: جنازة حماتي..
سأله الراجل تاني: حصل لها إيه؟
رد عليه: عضها الكلب الأسود ده.
قال الراجل: تسلفه لي عشان انا عايزه يعض حماتي ومراتي.
رد الراجل عليه: ماشي بس اتنى دورك في الطابور.




مره بطة راحت للسوبر ماركت وقالت عموعمو عندك عنب؟ قاللها لأ راحتله تاني يوم وسألت نفس السؤال إتضايق وقال قولتلك لأ راحت ثالث يوم وسألت نفس السؤال مسكها وقاللها لو جيتي هنا تاني وسألتي نفس السؤال ده همسمر رجليكي العريضه دي ف الأرض خافت وراحت رابع يوم وقالتله عموعمو عندك مسامير قاللها لأ قالتله الحمدلله.. عندك مسامير بقى؟!



مرة واحد مسئول بيفتتح حمام سباحة فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم يا عوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملا الحمام ميه".!!!



مرة 3 تلامذة اتأخروا على الحصة الأولى، فالمدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فوزي محمد
عضو مميز
عضو مميز
avatar

المساهمات : 665
تاريخ التسجيل : 13/05/2008

مُساهمةموضوع: رد: نكت طويلة بس اسمعوها حلوة   2008-06-04, 9:22 am

ارجو الردود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شرف عبد السميع
مدير المنتدى
avatar

المساهمات : 701
تاريخ التسجيل : 07/05/2008

مُساهمةموضوع: رد: نكت طويلة بس اسمعوها حلوة   2008-06-04, 9:23 am

مشكووووووووور ابو الفوز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sharaf-palestine.yoo7.com
فوزي محمد
عضو مميز
عضو مميز
avatar

المساهمات : 665
تاريخ التسجيل : 13/05/2008

مُساهمةموضوع: رد: نكت طويلة بس اسمعوها حلوة   2008-06-04, 9:29 am

عفوا يا اغلى ابن عم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شرف عبد السميع
مدير المنتدى
avatar

المساهمات : 701
تاريخ التسجيل : 07/05/2008

مُساهمةموضوع: رد: نكت طويلة بس اسمعوها حلوة   2008-06-04, 10:01 am

تسلم تسلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sharaf-palestine.yoo7.com
كمال محمد
عضو نشيط
عضو نشيط
avatar

المساهمات : 481
تاريخ التسجيل : 13/05/2008
العمر : 23

مُساهمةموضوع: رد: نكت طويلة بس اسمعوها حلوة   2008-07-01, 10:13 am

مشكوووور فوزي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فوزي محمد
عضو مميز
عضو مميز
avatar

المساهمات : 665
تاريخ التسجيل : 13/05/2008

مُساهمةموضوع: رد: نكت طويلة بس اسمعوها حلوة   2008-07-04, 6:50 pm

عفوااااااا يا اغلى اخو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت طويلة بس اسمعوها حلوة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شرف عبد السميع :: الترفيه :: النكت-
انتقل الى: